Messi: Xavi dhe Iniesta meritojnë Topin e Artë

Kohëve të fundit ka filluar të flitet shumë për atë se kush e meriton Topin e Artë të këtij viti, pasi që në konkurrencë të ngushtë janë fituesit e Kampionatit Botëror, Xavi dhe Iniesta, ashtu si njeriu që e udhëhoqi Interin drejt trofeve, Wesley Sneijder.
Për fituesin e vitit të kaluar të Topit të Artë, Lionel Messi, fituesi i Topit të Artë i këtij viti duhet të jetë patjetër një prej bashkëlojtarëve të tij, pasi që ndjen se ai nuk ka gjasa.
“Për mua është e qartë që Kampionati Botëror do të ketë impakt të jashtëzakonshëm në këtë vendim, i cili u jep epërsi të dukshme kolegëve të mi spanjollë. Nëse unë nuk e fitoj, atëherë sinqerisht shpresoj që t’i shkojë një prej lojtarëve të mi. Të gjitha parashikimet janë pro Xavit dhe Andres Iniestas”, precizoi argjentinasi.

Category: Futboll