Benitez: Maicon dhe Cesar luajnë në Botëror

Trajneri i Interit, Rafael Benitez, ka zbuluar se ai pret rikthimin e Maicon dhe Julio Cesar për Botërorin e klubeve, i cili fillon më 8 dhjetor.
“Diego Milito nuk do të luajë ndaj Werderit, përderisa Sneijder do të pushojë pas shumë ndeshjeve të luajtura. Lucio ka grip, por do të rikthehen në kohë për Botërorin e klubeve Maicon dhe Julio Cesar”, theksoi Benitez.
Nga ana tjetër tekniku spanjoll vuri në pikëpyetje sistemin e votimit për Topin e Artë, pasi Wesley Sneijder u la jashtë finales për çmimin e futbollistit më të mirë në botë.

Category: Futboll