Moratti pret ndeshje të vështirë kundër Songnam Ilhwa

Massimo Moratti ka porositur lojtarët e Interit të mos përfundojnë si ekipi brazlian Internacional, viktimë e një humbje befasuese nga TP Mazembe, kur ata përballen sonte me Seongnam Ilhwa.
Interi në gjysmëfinale ndeshet me ekipin jug-korean, të cilët tashmë kanë bërë zhurmë në prag të takimit të sotëm, duke u zotuar se do ta befasojnë kampionin e Evropës.
“Tash është radha jonë [pas TP Mazembe - Internacional]. Do të jetë një ndeshje e vështirë kundër ekipit jugkorean, dhe ne duhet ta marrim këtë me seriozitet. Mësimi i djeshëm [fitorja e Mazembe], mund të jetë e dobishme. Shpresoj se gjithkush është i gatshëm për ndeshjen e sotme, ashtu që ne mund ta shohim karakterin tonë dhe talentin e ekipit”, ka thënë presidenti i klubit italian.

Category: Futboll