Pato mund të luajë kundër Cagliarit
Sulmuesi i Milanit, Alexandre Pato, ka deklaruar se shpreson të jetë në dispozicion të skuadrës në ndeshjen e 6 janarit kundër Cagliarit.
Braziliani aktualisht është në Dubai me ekipin e Milanit, mirëpo ai nuk ka luajtur në një ndeshje zyrtare që pas lëndimit në ndeshjen kundër Palermos në muajin nëntor.
“Dëshiroj të stërvitem mirë, ashtu që të jem i gatshëm për t’u kthyer kundër Cagliarit”.
“Jam i lumtur që i jam bashkangjitur sërish grupit, prandaj tani duhet të jap më të mirën nga vetja”, ka thënë Pato për Datasport.
Category: Futboll
0 Komente