Do ta mposhtim Unitedin, do ta fitojmë titullin

Mbrojtësi i Tottenhamit, Michael Dawson është shprehur tejet optimist para ndeshjes ndaj Manchester United duke thënë se Spursat mund t’i japin fund formës së mirë të Djajve të Kuq.
“Ata janë në një ecuri të mirë dhe janë në maje të tabelës për këtë arsye. Por, shpresoj se të dielën ne mund t’i mposhtim ata. Ne po kalojmë sezon fantastik por ne jemi një ekip që dëshiron të shkojë tutje dhe të arrijë shumë. Sezonin e kaluar synimi ishte pozita e katërt dhe e kemi arritur atë”.
“Tani ashtu si United, Chelsea dhe Arsenali ne duam që ta bëjmë këtë vit pas viti, por kjo nuk është e tëra. Ne duam të fitojmë gjëra që do të thotë titulli. Ne duam të jemi kandidatë për titull vit pas viti. Për ta bërë këtë duhet të mposhtim skuadra si United”, ka thënë Dawson.

Category: Futboll