Zyrtare: Hoffenheimi konfirmon transferimin e Babel

Klubi gjerman Hoffenheim ka konfirmuar se ka arritur marrëveshje për të transferuar sulmuesin Ryan Babel nga Liverpooli.
Edhe pse ishte pritur që holandezi të qëndronte në Anfield, Hoffenheimi ka lëshuar një komunikatë zyrtare përmes së cilës tregon se ka siguruar shërbimet e 24-vjeçarit.
“Jemi shumë krenarë që e kemi marrë Ryan Babelin, një lojtar ndërkombëtarisht me përvojë nga një top-klub si Liverpooli, te Hoffenheimi”, thuhet në komunikatë.
Besohet se Babel ka kaluar ekzaminimet mjekësore në Gjermani dhe ka nënshkruar kontratë dy vjet e gjysmë me klubin nga Bundesliga, kurse shuma e transferim besohet të jetë gjashtë milionë funte.

Category: Futboll