Wenger: Lojtarët janë ‘shkatërruar’ nga humbja

Arsene Wenger thotë se disfata nga Birmingham City në finalen e Kupës Carling mund të ketë ndikim në rrjedhën e mëtejme të sezonit, derisa Topçinjtë luftojnë edhe për tre trofe tjera.
“Çdokush është i tmerruar në dhomën e veshjeve, ata janë të shkatërruar, dhe nuk dua ta shtoj këtë [presion]. Jam po ashtu i dëshpëruar si i gjithë ekipi. Ne kishim ca probleme në fillim të ndeshjes, numri i ndeshjeve që kemi luajtur na ka hutuar ca”, ka thënë Wenger pas disfatës 2-1 nga Birmingham në Wembley.
“A mund të ndikojë për pjesën e mbetur të sezonit kjo disfatë? Mund. Ne jemi tmerrësisht të zhgënjyer që humbëm, dhe kemi shumë pyetje pas këtij gabimi. Duhet të jemi mjaft të fuqishëm për ta përballuar dhe për të treguar se jemi të fuqishëm të përgjigjemi si duhet”, ka shtuar Wenger.

Category: Futboll