Ancelotti: Torres nuk ka nevojë të shënojë gola

Menaxheri i Chelseat, Carlo Ancelotti, thotë se Fernando Torres është në formë të mirë pavarësisht se nuk shënon gola.
Në fitoren ndaj Manchester United, ishte penaltia e Frank Lampard ajo që vulosi rezultatin, e që pasoi një gol nga mbrojtësi i ri David Luiz, i cili duket se po tregohet më i vlefshëm se Torres, pavarësisht se kushtoi më pak se gjysma e spanjollit.
“Ne nuk kemi nevojë t’i krahasojmë ata. Torres nuk shënoi por unë nuk kërkoj nga sulmuesit të shënojnë. Kërkoj të luajnë për ekipin. Torres bëri një detyrë shumë të mirë me këtë. Njerëzit e vlerësojnë atë në bazë të golave që ai ka shënuar por unë duhet të shikoj në gjëra të tjera në paraqitjen e tij”.
“Ai punoi për ekipin, bëri presion në mbrojtësit, lëvizi mirë në ballë të golit dhe u mundua shumë. Kjo është mjaft për mua. Pyeteni atë, jo mua, nëse kjo do të ndikojë në të, por unë nuk mendoj. Nuk kërkoj nga ai të shënojë”, ka thënë Ancelotti.

Category: Futboll