Leonardo: Derbi nuk do ta vendosë titullin

Trajneri i Interit, Leonardo, nuk është duke kërkuar hakmarrje ndaj ish-klubit të tij, Milanit, në derbin e vikendit të ardhshëm.
Pas pauzës ndërkombëtare, dy ekipet do të përballen në derbin milanez më 2 prill.
“Të gjitha ndeshjet e mbetura janë vendimtare, jo vetëm një. Derbi nuk do të jetë vendimtar pasi pas kësaj janë edhe shtatë ndeshje tjera. Ajo çfarë ne dëshiruam ishte të ngushtojmë diferencën, të rikthehemi në garën për titull dhe të luftojmë për Skudeto. Ne arrijmë në këtë derbi në formën më të mirë të mundshme”, ka thënë Leonardo.

Category: Futboll