Eto’o tifoz i Barcës në finale

Samuel Eto’o shpreson që Barcelona ta mposhtë Manchester Unitedin në finalen e Ligës së Kampionëve të shtunën mbrëma.
Kamerunasi, i cili e ka fituar dy herë me Barcën dhe njëherë me Interin trofeun e garës prestigjioze evropiane, shpreson që katalunasit do ta përsërisin finalen e vitit 2009.
“Do të jem në finale me entuziazëm, sepse kam miq të mirë të cilët do të luajnë, prandaj zemra ime do të jetë me ta”.
“Padyshim që shpresoj se Barcelona do të fitojë. Por kurrë s’i dihet se çfarë mund të ndodhë. Edhe Manchester Unitedi edhe Barcelona janë përmirësuar (në krahasim me vitin 2009). Shpresoj të jetë një finale e bukur”, ka thënë Eto’o për Uefa.com.

Category: Futboll