Marotta: Na duhet një sulmues

Menaxheri gjeneral i Juventusit, Beppe Marotta, ka thënë se ata dëshirojnë të blejnë një sulmues të klasit në afatin kalimtar të verës.
Marotta është pyetur nëse ndonjëri nga Carlos Tevez [Man City], Karim Benzema [Real Madrid] ose Sergio Aguero [Atletico Madrid] mund të arrijë në Olimpico.
“Le të themi se ne jemi të interesuar për një lojtar që ka profil të ngjashëm me ta. Ne kërkojmë disa lojtarë të rëndësishëm, pavarësisht çfarë roli ata luajnë, edhe pse reparti sulmues është ai për të cilin publiku ngazëllehet”.
“Ne do të vazhdojmë të kemi për cak lojtarë të cilët kanë arritur rezultate të rëndësishme në karrierën e tyre deri tash”, ka thënë Marotta.

Category: Futboll