Reali ta harrojë Neymar-in për vitin 2011

Agjenti i Neymar ka përjashtuar një transferim të yllit të Santos te Real Madridi gjatë kësaj vere.
Edhe Neymar edhe agjenti i tij Wagner Ribeiro po qëndrojnë në Gjermani për miqësoren e sotme të Brazilit, nga ku i kanë bërë thirrje Realit ta harrojë transferimin për këtë vit.

“Një marrëveshje me Real Madridin do të ishte e mundshme në vitin 2012. Kam shumë marrëdhënie të mira me Realin, por çdo shkrim për transferim është vetëm spekulim. Para 31 gushtit nuk ka ose nuk do të ketë marrëveshje. Harrojeni. Vitin e ardhshëm? Gjithçka është e mundshme”, ka thënë Riberiro.

Category: Futboll