Alonso: Nuk jemi në formë

Mesfushori i Real Madridit, Xabi Alonso, ka pranuar se ai dhe bashkëlojtarët e tij po dështojnë të gjejnë formën, pas barazimit pa gola ndaj Racing Santander.
“Ne nuk po kalojmë në momentin më të mirë, por ne kemi kohë ta ndryshojmë këtë. Ne jemi një grup i bashkuar i lojtarëve të cilët të gjithë duhet të rreshtohemi në drejtimin e njëjtë”.

“Ndeshjet kundër Racing dhe Levante ishin më ndryshe, por të dy rivalët ia dolën mirë dhe ne jo. Ne e kemi pasur të vështirë të krijojmë shanse shënimi. Futbolli nuk është shkencë. Ndonjëherë jeni më të mirë se të tjerët. Ne nuk duhet të humbim besimin; kjo është një rrugë e gjatë dhe ka ende shumë për t’u luajtur”, ka thënë mesfushori spanjoll për ueb faqen zyrtare të Realit.

Category: Futboll