Bendtner: Nuk kthehem te Arsenali

I huazuari te Sunderlandi, Nicklas Bendtner, ka deklaruar se nuk do të kthehet më te Arsenali për shkak të mundësive të kufizuara nën drejtimin e trajnerit Arsene Wenger.
Danezi, i cili ka kaluar shtatë vite me Topçinjtë, u largua nga Emirates në ditën e fundit të afatit kalimtar veror, dhe tani thotë se nuk planifikon që të kthehet prapë, përkundër se gjendet në pronësi të Arsenalit.

“Kurrë nuk do të kthehem te Arsenali. Nëse do të varet nga unë, asnjëherë nuk do të luaj më për ta”.

“Pas aksidentit në komunikacion, asnjëherë nuk mu dha rasti që të zë një vend në ekipin e parë”, ka shpjeguar sulmuesi për The Sun, duke e bërë të qartë se pas përfundimit të sezonit me Sunderlandin do të kërkojë një klub tjetër, por nuk do të kthehet te Arsenali.

Category: Futboll