Pas fitores së nëntë, Vettel prek titullin

Piloti gjerman Sebastian Vettel ka dalë fitues i garës për Çmimin e Madh të Singaporit, ashtu që tani i mungon vetëm një pikë për t’u shpallur kampion.
Ngasësi i Red Bull garën e të dielës e filloi nga vendi i parë dhe shumë shpejt arriti që të krijojë diferencë prej disa sekondash nga përcjellësit e tij.

Jenson Button (McLaren) u rendit i dyti, Mark Webber (Red Bull) ishte i treti, ndërsa Fernando Alonso (Ferrari) zuri vetëm vendin e katërt.

Vettel do të shpresojë që pas dy javës në Japoni të shpallet edhe matematikisht kampion bote në Formula 1.

Category: Formula 1