Schweinsteiger: Nuk kemi frikë nga Holanda

Ylli i Bayern Munich, Bastian Schweinsteiger, mezi pret takimin miqësor përballë Holandës që do të zhvillohet në nëntor dhe thotë se gjermanët nuk kanë frikë nga holandezët.
Gjermania u bë ekipi i parë që u kualifikua në Euro 2012 duke mposhtur Austrinë me rezultat 6-2 gjatë të premtes, dhe ata konsiderohen si një prej favoritëve për ta fituar turneun e vitit të ardhshëm, së bashku me ekipet si Spanja dhe Holanda.

“Nuk kam qenë krejtësisht i kënaqur me paraqitjen tonë kundër Austrisë të premten. Ata thjesht nuk ishin në nivelin tonë. Ne më shumë do të luanim kundër ekipeve si Spanja dhe Holanda”.

“E di se lojtarët si Mark van Bommel dhe Arjen Robben janë vërtet të mirë dhe ata janë lojtarë të shkëlqyeshëm. Megjithatë, ne nuk kemi frikë nga Holanda”, ka thënë Schweinsteiger.

Gjermania do të presë Holandën në një miqësore më 15 nëntor. Të dyja kombëtaret janë takuar gjashtë herë që pas bashkimit të Gjermanisë në vitin 1990, me Holandën që ka fituar në tre raste dhe gjermanët që kanë dalë fitues vetëm një herë.

Category: Futboll