Wenger fjalë të mira për Van Persien

Menaxheri i Arsenalit, Arsene Wenger, ka lavdëruar kapitenin e skuadrës, Robin van Persie, pas dy golave të shënuar ndaj Bolton Wanderers.

Dy golat çuan në 100 numrin e shënimeve të holandezit për klubin londinez, një arritje e theksuar duke marrë parasysh se ai ka startuar në vetëm 175 ndeshje që kur u transferua nga Feyenoord shtatë vite më parë.

“Robin është një djalosh i cili flet me mendjen e tij. Mendoj se ai është një prej atyre djelmoshave të cilët zhvillohen me përgjegjësi”.

“Ju do të mendonit se ai nuk është një kapiten natyral në fillim, por ai vërtet është zhvilluar mirë në këtë rol. E kam vëzhguar atë dhe ai ia del mirë këtu”, ka thënë Wenger.

Category: Futboll