Xavi: Guardiola ka revolucionarizuar futbollin

Mesfushori i Barcelonës, Xavi, ka thënë se Pep Guardiola është trajneri më i mirë në botë dhe ka shtuar se ai ka revolucionarizuar botën e futbollit me taktikat e tij.
Guardiola zëvendësoi Frank Rijkaard në stolin e trajnerit të Barcelonës në vitin 2008 dhe që atëherë ka drejtuar klubin nga Camp Nou në fitimin e tre titujve në La Liga, dy titujve në Ligën e Kampionëve dhe disa trofeve të tjera.

“Sipas mendimit tim ai është trajneri më i mirë në botë. Ka pak dyshime në këtë për mua. Ai ka revolucionarizuar futbollin dhe i ka dhënë gjithçka këtij klubi, që kemi pasur nevojë”.

“Ky ekip mund të arrijë shumë nën drejtimin e Pep dhe ne të gjithë i pranojmë vendimet e tij. Askush nuk e vendosi në dyshim kur ai la në stol Busquets në Superkupën e Evropës. Ne të gjithë kemi momentet tona kur ne nuk luajmë. As edhe Messi mund të luajë gjithmonë”.

“Ata që mendojnë se janë të paprekshëm nuk do të shkojnë larg nën drejtimin e Pep. Historia nuk llogaritet për asgjë. Ne jemi të gjithë të barabartë dhe të gjithë duhet të tregojmë se meritojmë të luajmë”, ka thënë Xavi.

Category: Futboll