Blanc i zhgënjyer me paraqitjen e Francës

Trajneri i Francës, Laurent Blanc, është liruar pasi ekipi i tij shmangu disfatën nga Bosnja për t’u kualifikuar drejtpërdrejt në finalet e Euro 2012, pasi përfundoi e para në grupin D.
Edin Dzeko heshti publikun francez kur shënoi golin e avantazhin për Bosnjën pesë minuta para fundit të pjesës së parë, por një gol i vonshëm nga Samir Nasri i shënuar nga pika e bardhë barazoi rezultatin dhe i siguroi Francës pikën e nevojshme për të ruajtur kreun e grupit.

“Këto kualifikime ishin vështirë të sigurohen. Ne ishim të përgatitur për një ndeshje të vështirë, dhe ajo çfarë ndodhi në fushë ishte pritje e jona”.

“Edhe pse paraqitja e Francës ishte zhgënjyese, kjo ishte kryesisht falë kualitetit të ekipit të Bosnjës, që ishte plot vetëbesim dhe kontrolloi ndeshjen. Ishte ndeshje e vështirë, por në fund ishte një satisfaksion i madh pasi ne jemi kualifikuar për Euro 2012”, ka thënë Blanc.

Category: Futboll