Galliani plot lëvdata për formën e Milanit

Zëvendëspresidenti i Milanit, Adriano Galliani, është i ngazëllyer me formën që po kalojnë Rossonerët së fundi.
Por ai po ashtu ka paralajmëruar se Juventusi është një rival serioz për titull.

“Ne kemi bërë një rikuperim të madh, ne kemi nxjerrë 22 pikë në tetë ndeshje, kishin mundur të jenë 24 pikë, por ne nuk arritëm ta bëjmë këtë. Pas disfatës nga Juventusi ne ishim së paku gjashtë pikë prapa, tash jemi vetëm dy”.

“Kampionati është shumë i gjatë, do të shohim çfarë do të ndodhë .Megjithatë, Juve është duke e merituar vendin e parë, ata po luajnë shumë mirë”, ka thënë Galliani.

Category: Futboll