Portieri kap me shqelma tifozin (VIDEO)

Sfida e Kupës së Holandës mes Ajaxit dhe AZ Alkmaarit ka rezervuar një episod të veçantë.
Është minuta e 37-të e pjesës së parë (vendasit udhëheqin 1-0) kur një tifoz hyn në fushën e “Amsterdam Arena”-s dhe sulmon portierin mik, Esteban Alvarado.
Por, “gardiani” kostarikan nuk ri duarkryq dhe nis një sherr të cilin vetëm personeli i fushës dhe shokët e skuadrës mund ta qetësojnë.
Gjyqtari i tregon kartonin e kuq portierit, duke shkaktuar zemërim te stoli i Alkmaarit. Trajneri Gertjan Verbeek urdhëron lojtarët e vet të braktisin fushën e lojës në shenjë proteste, ndërsa arbitrit nuk i mbetet tjetër veçse t’i dërgojë të gjithë në shtëpi.

Category: Futboll