Barca ta transferojë Neymarin më 2014?
Presidenti i Barcelonës, Sandro Rosell, ka lënë të kuptohet se katalunaist mund të tentojnë transferimin e yllit të Santosit, Neymar, në vitin 2014.
Sulmuesi 19-vjeçar kërkohet nga skuadrat më të mëdha evropiane, e sidomos pas tij janë vënë Barcelona dhe Real Madridi.
Braziliani gjithmonë ka thënë se nuk planifikon të largohet nga Santosi para Kampionatit Botëror 2014 që mbahet në Brazil, ndërsa kontrata e tij e re u bë zyrtare të premten.
“Pas 2014, kur kontrata e tij skadon, do të shohim. Ajo është koha kur ai dëshiron ta bëjë hapin e radhës”, ka thënë Rosell për COM Radio.
Category: Futboll
0 Komente