City përgatit 50 milionë për Cavanin

Manchester City raportohet se dëshiron të ofrojë 50 milionë euro për sulmuesin e Napolit, Edinson Cavani.

Gazetat italiane shkruajnë se City po ashtu është i gatshëm t’i ofrojë 25-vjeçarit uruguaian një kontratë të vlefshme katër deri në pesë milionë euro në sezon.

Presidenti i Napolit, Aurelio De Laurentiis, u ka rezistuar të gjitha tentimeve të mëhershme për ta blerë lojtarin, por rezistenca e tij pritet të testohet gjatë verës nga liderët e Ligës Premier.

Cavani u transferua në San Paolo Stadium nga Palermo në vitin 2010 për një shumë që kap vlerën e 16 milionë eurove. Ai deri tash ka shënuar 50 gola për Napolin në të gjitha garat në më pak se 80 ndeshje.

Category: Futboll