Mazzarri i zhgënjyer me disfatën nga Siena

Trajneri i Napolit, Walter Mazzarri, është i zhgënjyer me disfatën 2-1 të skuadrës së tij nga Siena në ndeshjen e parë gjysmëfinale të Kupës së Italisë.
“Urime për Sienën, por ne kishim shumë shanse. Këtë vit po humbim shumë mundësi. Ishte një ndeshje në të cilën ne nuk duhej të pranonim gola, por me dy gabime që i bëmë, siç ka ndodhur shpesh këtë vit, ne pranuam gola”.

“Ne kishim një sfidë të madhe, por Napoli im dha një mund të madh. Ne u përpoqëm deri në fund dhe mendoj se Napoli jo vetëm që e meritoi barazimin por po ashtu edhe fitoren”, ka thënë Mazzarri.

Napoli tash do të mundohet t’i kthejë gjërat në ndeshjen e kthimit në San Paolo më 21 mars, ku shpreson edhe në mbështetjen e publikut.

Category: Futboll