Pesë juventinë në formacionin e Italisë ndaj SHBA-ve

Trajneri i Italisë, Cesare Prandelli, e ka bërë publike skuadrën startuese për miqësoren e të mërkurës mbrëma ndaj Shteteve të Bashkuara.

Trajneri në portë i ka besuar Gigi Buffonit (Juventus), ndërsa Christian Maggio (Napoli) do të shoqërohet nga Andrea Barzagli, Angelo Ogbonna (Torino) dhe Domenico Criscito (Zenit) në mbrojtje.

Dyshja e mesfushës, Andrea Pirlo (Juventus) dhe Claudio Marchisio (Juventus), do të qëndrojë prapa Antonio Nocerinos (Milan) dhe Thiago Mottas (PSG), ndërsa në sulm do të jenë Sebastian Giovinco (Parma) dhe Alessandro Matri (Juventus).

Formacioni i Italisë (4-3-1-2): Buffon; Maggio, Barzagli, Ogbonna, Criscito; Marchisio, Pirlo, Nocerino; Thiago Motta; Matri, Giovinco.

Në një konferencë për media, Prandelli ka thënë se do të presë deri në minutën e fundit për riaftësimin e Giuseppe Rossit dhe Antonio Cassanos për Euro 2012.

Category: Futboll