Di Matteo: Është natë historike

Menaxheri i Chelseat, Roberto di Matteo, mendon se fitorja ndaj Napolit ishte një mbrëmje historike për Blutë.
“Për klubin do të thotë shumë të luajë ende në Ligën e Kampionëve. Dhe ju mund ta shihni se sa shumë kjo do të thotë për lojtarët. Çdokush ishte i ngazëllyer që ne bëmë një paraqitje aq të madhe”.

“Kam pasur disa net të shkëlqyeshme, por kjo mbase do të shkruhet në historinë e klubit, pasi u rikthyem nga disavantazhi prej dy golash nga ndeshja e parë. Ju e patë nga lojtarët dhe paraqitja e tyre se ata treguan pasion dhe se ata mund të kujdesen për klubin dhe tifozët. Kjo do të na japë neve një shtytje për pjesën e mbetur të sezonit”.

“Avantazhi i lojës në shtëpi ishte i rëndësishëm. Napoli mbase është më i fuqishëm në shtëpi dhe ata janë shumë të rrezikshëm në kalim, por tifozët na ndihmuan ta fitojmë ndeshje dhe secili do të ketë një rritje të vetëbesimit”, ka thënë italiani.

Category: Futboll