Ferguson: Treguam se jemi në garë për titull

Trajneri i Manchester Unitedit, Sir Alex Ferguson, mendon se fitorja ndaj Tottenhamit dëshmon se Djajtë e Kuq janë të fokusuar në garën për titullin e kampionit të Anglisë.

“Mendoj se është vështirë të thuhet (se kush do ta zë vendin e parë), sepse gjithçka mund të ndodhë. Mund të humbësh pikë befasisht”.

“Mendoj se kjo do të ndodhë, të dyja skuadrat do të lëshojnë pikë, por është e rëndësishme që të lëshosh më pak pikë se rivali dhe ne kemi përvojë, nuk do të bëhemi nervozë, po kënaqemi dhe paraqitja luftarake që treguam sot (e diel) kundër një skuadre shumë të mirë, tregon se jemi mirë në garë”, citon Sky Sports fjalët e Ferguson.

Manchester Unitedi gjendet në vendin e dytë në tabelën e Ligës Premier, me dy pikë më pak se lideri Manchester City.

Category: Futboll