Galliani: Vështirë për Ibrën ta fitojë Topin e Artë

Zëvendëspresidenti i Milanit, Adriano Galliani, është i pasigurt nëse Zlatan Ibrahimovic mund ta fitojë Topin e Artë.
Ibra së fundi u vlerësua si lojtari më i mirë në botë nga trajneri i tij, Massimiliano Allegri, por Galliani mendon se para se të shpallet më i mirë Ibra duhet t’ia sjellë një trofe të madh Milanit.

“Topi i Artë zakonisht shkon te lojtari më i mirë i skuadrës fituese. Ibrahimovic do të duhet të fitojë diçka të rëndësishme për Milanin së pari dhe pastaj ndoshta mund të jetë kandidat për Topin e Artë”, ka thënë Galliani.

Category: Futboll