Gerrard: Kush e dëshiron më shumë, e fiton ndeshjen

Kapiteni i Liverpoolit, Steven Gerrard, mendon se dëshira për të fituar është shumë e rëndësishme në një ndeshje derbi.
Liverpooli sonte në Anfield do ta presë rivalin lokal, Evertonin, në kuadër në Ligës Premier dhe Gerrard kërkon nga bashkëlojtarët të shfaqin dëshirë për të fituar.

“Evertoni po ia del mirë dhe është një skuadër e hijshme. David Moyes ka bërë disa nënshkrime të mira në janar, duke sjellë Steven Pienaar dhe një sulmues (Nikica Jelavic)”.

“Ata duket se kanë bërë atë që zakonisht bëjnë dhe kjo i bën ata më të fuqishëm me kalimin e sezonit. Por nuk ka rëndësi se në çfarë forme jeni – kjo nuk vlen në derbit. Këto ndeshje gjithmonë kanë një nuancë dhe mprehtësi më të madhe për shkak të rivalitet”.

“Sapo të fishkëllejë (gjyqtari) do të jetë mizori për 15-20 minutat e para dhe kushdo që e merr kontrollin pas kësaj do ta fitojë ndeshjen. Kushdo që do ta dëshirojë më së shumti, do të dalë fitimtar. Ne duhet ta tregojmë këtë dëshirë”, ka deklaruar Gerrard për Liverpool TV.

Category: Futboll