Ronaldo i bindur se do ta mposhtë Bayernin

Ylli i Real Madridit, Cristiano Ronaldo, është i bindur në sukses në ndeshjen e Ligës së Kampionëve përballë Bayern Munichut.

Reali duhet ta përmbysë disavantazhin 2-1 të ndeshjes së parë për të siguruar biletën për në çerekfinale, ku tashmë është kualifikuar Chelsea.

“Ne jemi mirë. Jam i sigurt se në shtëpi ne do të fitojmë pasi ne luajmë në stadiumin tonë, para tifozëve tonë, dhe ne kemi gjithçka që na duhet për të qenë në gjendje të fitojmë”.

“Do të jetë një ndeshje e vështirë, por shpresoj Madrid të fitojë. Ata luajtën në shtëpi dhe fituan, por ne kemi shënuar një gol atje, që ishte i rëndësishëm”.

“Ne e dimë se Bayerni, pas ndeshjes së parë, do të luajë në kundërsulme, por po ashtu besojmë se ata do të kenë shumë respekt për ne, pasi ne luajmë në shtëpi”.

“Shpresoj ne të arrijmë në finale pasi është shumë e rëndësishme për lojtarët, për Real Madridin dhe për tifozët tanë anekënd botës”, ka thënë portugezi për Bwin.com.

Category: Futboll