Ronaldo të rinovojë kontratën?

Sulmuesi i Real Madridit, Cristiano Ronaldo, do të përballet me një zgjedhje të vështirë për të ardhmen e tij, pasi klubi mbretëror besohet t’i ketë ofruar superyllit portugez një super kontratë të re.

Mediat spanjolle raportojnë se Real Madridi ka në tavolinë ofertën për Ronaldon – një rinovim deri në vitin 2018 me përfitime prej 13 deri 15 milionë euro në sezon.

Cristiano Ronaldo vazhdimisht është lidhur me një rikthim te Manchester United dhe në asnjë moment nuk ka deklaruar se do ta rinovojë kontratën.

Superylli portugez ka shënuar 52 gola në të gjitha garat këtë sezon për Real Madridin dhe është në rrugë të mirë që të shpallet golashënuesi më i mirë në La Liga.

Category: Futboll