Berlusconi: Allegri mbetet trajner i Milanit

Silvio Berlusconi thotë se Milani nuk ka synime ta zëvendësojë trajnerin Massimiliano Allegri, së paku jo gjatë kësaj vere.
Mediat italiane vazhdimisht kanë shkruar se Rossonerët janë të gatshëm të ndahen nga trajneri aktual nëse dështojnë ta mbrojnë titullin e Serie A.

Megjithatë, Berlusconi tashmë e ka bërë të qartë se 44-vjeçari do të jetë ende në drejtim të skuadrës edhe në sezonin 2012/13.

“A kam ende besim në Allegrin? Po, tashmë e kam konfirmuar atë si trajner të Milanit për sezonin e ardhshëm”, ka thënë Berlucosni.

Allegri u caktua në drejtim të Milanit në verën e vitit 2010 dhe drejtoi skuadrën drejt triumfit në garën për Scudetton që në sezonin e tij të parë. Milani aktualisht është një pikë pas Juventusit me edhe dy ndeshje të mbetura.

Category: Futboll