Zubizarreta admirues i Bielsas

Drejtori sportiv i Barcelonës, Andoni Zubizarreta, është një tifoz i madh i trajnerit të Athletic Bilbao, Marcelo Bielsa.

Barcelona sonte do të përballet pikërisht me Bilbaon në finalen e Kupës së Mbretit, që do të jetë edhe ndeshja e fundit e Blaugranëve nën drejtimin e trajnerit Pep Guardiola.

Bielsa një kohë të gjatë ishte përmendur si pasardhës i Guardiolës te gjiganti spanjoll, por ata tashmë kanë caktuar Tito Villanovan.

“Ai është një burrë me personalitet të madh dhe në këtë aspekt ai do të adaptohej mirë te klubi jonë. Por është mënyra se si ai e sheh lojën – bazuar në individë që e bëjnë skuadrën më të fuqishme – nuk e di nëse kjo do të përshtatej saktësisht te një klub si Barca”.

“Kam ndjenjën se Bielsa është saktësisht në klubin e duhur, për atë çfarë kërkon nga një skuadër”, ka thënë Zubizarreta.

Category: Futboll