Capello: Duhet t’i fitoj tifozët

Trajneri i Rusisë, Fabio Capello, thotë se prioriteti i tij është të rikthejë mbështetjen e tifozëve pas një kampanje “turpshme” të Rusisë në Euro 2012.

“Jam shumë krenar pasi është një nder i madh të jem këtu dhe të punoj me një ekip të fuqishëm kombëtar. Gjëja kryesore që duhet të arrijmë është të fitojmë mbështetjen e tifozëve të Rusisë të cilët ndjehen të ofenduar pas Euro 2012”.

“Element kyç është respekti i dyanshëm në mes të secilit që dëshiron të punojë me ekipin, në mes të çdo anëtari të ekipit. Askush nuk do të ketë privilegje. Ne të gjithë jemi miq këtu, jemi të barabartë. Për të nxjerrë rezultate duhet të punojmë për ekipin”, ka thënë Capello.

Rusia nesër takohet me Bregun e Fildishtë në një miqësore, që do të jetë ndeshja e parë e trajnerit italian në drejtim të skuadrës.

Category: Futboll