Falcao ndjehet mirë te Atletico

Sulmuesi i Atletico Madrid, Radamel Falcao, ka ripërsëritur dëshirën e tij për të pasur edhe një sezon tjetër të suksesshëm në Vicente Calderon.

“Viti i kaluar ishte një vit shumë pozitiv pasi unë kam bërë një hap të rëndësishëm kur erdha në ligën spanjolle. Jam shumë i lumtur këtu dhe shpresoj sezoni i ardhshëm të jetë edhe më i mirë”.

“Puna e sezonit të kaluar do të na ndihmojë shumë të ecim përpara. Ne do ta marrim këtë sezon ndeshje pas ndeshje, duke filluar kundër Levantes. Duke nxjerrë rezultate të mira kundër tyre dhe pastaj Athletic (Bilbao) në ligë, ne futemi në ndeshje kundër Chelseat në formën më të mirë”.

“Superkupa është një titull që i jep shumë prestigj një lojtari. Unë nuk kam luajtur në edicionin e kaluar me Porton, dhe dua ta shfrytëzoj këtë mundësi kundër Chelseat”, ka thënë 26-vjeçari.

Category: Futboll