Sneijder: Mendoj vetëm për Interin

Wesley Sneijder thotë se ai nuk ka synime të largohet nga Interi këtë verë dhe është i vendosur të fitojë sërish trofe me skuadrën italiane.

Holandezi është lidhur me një largim nga Giuseppe Meazza me skuadrën ruse Anzhi Makhachkala që është duke e përcjellë situatën nga afër, por zotohet se dëshira e tij është ta veshë fanellën e Interit edhe për një kohë.

“Kam një dëshirë të fuqishme për të fituar dhe dua të qëndroj këtu për ta bërë këtë. Interi është një skuadër e madhe që aktualisht është duke u rindërtuar për të ardhmen. Ne jemi një kombinim i të rinjve, përvojës dhe kualitetit”.

“Ofertat tjera? Paratë janë të rëndësishme, por nuk janë gjithçka. Nëse një ofertë e majme vjen për tre ose katër vite, do ta mendoja, por jam duke menduar vetëm për Interin”, ka thënë Sneijder për Corriere dello Sport.

Category: Futboll