Wenger: U detyruam ta shesim Van Persien

Arsene Wenger thotë se Topçinjtë nuk kishin zgjidhje pos ta pranojnë ofertën e Manchester United për Robin van Persien, me sulmuesin që ishte në vitin e fundit të kontratës së tij.

Arsenali dhe United dje arritën marrëveshje për transferimin e Van Persiet, për të cilin Djajtë e Kuq raportohet se kanë paguar 24 milionë funte.

“Ne tashmë kemi gjetur zëvendësimin e tij. Është keq të humbësh një lojtar me kualitetet e tij. Ai kishte edhe një vit të mbetur në kontratë, andaj ne nuk kishim zgjidhje tjetër”, ka thënë Wenger.

Holandezi pritet sot t’u nënshtrohet testeve mjekësore para se të kompletojë transferimin në Old Trafford.

Category: Futboll