Babai i Falcaos i bie drejt: Ai ëndërron Realin

Babai i sulmuesit të Atletico Madrid, Radamel Falcao, thotë se ëndrra e tij është të luajë për Real Madridin.

“Ai ëndërron të luajë për Real Madridin. Që kur ishte i ri ai gjithmonë ka dashur të luajë atje. Skuadra tjera në Evropë si Chelsea dhe Manchester City ishin të interesuara për të”.

“Nëse ai nuk mund të luajë për Real Madridin, ai do të luajë për ndonjë ekip në Angli. Sigurisht ai dëshiron të shkojë në Kupën Botërore 2014, por mbi të gjitha ai dëshiron të shkojë te Real Madridi”, ka thënë Radamel Garcia.

Pas kësaj deklarate të babait të tij ka reaguar vetë lojtari, i cili përmes Twitterit ka thënë se ëndrra e tij është të fitojë tituj me Atletico Madridin dhe të shkojë në Botëror me Kolumbinë.

Category: Futboll