Murray në gjysmëfinale të US Open

Tenisti i tretë më i mirë në botë, Andy Murray, ka arritur të mposhtë me probleme të mëdha kroatin Martin Cilic, për t’u kualifikuar në gjysmëfinale të grand-slam turneut US Open.

Pasi ka qenë dy herë në disavantazh të thellë në dy sete, Murray arriti të rikthehej në mënyrë sensacionale, për të fituar duelin me rezultat 3-1 (3-6, 7-6, 6-2 dhe 6-0).

“Mendoj se nëse jeni nervoz kur jeni në disavantazh një set dhe 5-1 në setin e dytë, e keni të pamundur që të riktheheni. Unë isha më shumë i frustruar në setin e parë, por kur fillova rikthimin në setin e dytë, u qetësova plotësisht. Mendova më mirë dhe arrita që ta fitoj duelin”, ka theksuar Murray pas përballjes.

Andy Murray do të luftojë për një vend në finale me Tomas Berdych, njeriun që eliminoi Roger Federerin.

Category: Tenis