Xavi: Vilanova ka ide të qarta

Mesfushori i Barcelonës, Xavi Hernandez, e ka lëvduar mënyrën e punës së trajnerit Tito Vilanova.

“Tito Vilanova mund ta çojë këtë skuadër drejt fitimit të shumë titujve. Ai ishte trajner i rëndësishëm edhe kur Pep ishte këtu. Është një njeri me karakter”.

“Ai ka ide shumë të qarta dhe gjithmonë dëshiron të luajë (me formacionin) 4-3-3”, ka pohuar 32-vjeçari për RAC1.

Xavi ka folur edhe për marrëdhëniet me portierin rival, Iker Casillas, duke thënë se e ruan miqësinë me të dhe gjithmonë flasin në telefon me njëri-tjetrin për gjëra të rëndësishme.

Category: Futboll