Ancelotti e dëshiron Ronaldon te PSG-ja

Klubi francez ka mbledhur në skuadër disa prej lojtarëve më të shtrenjtë të klasit botëror, si Zlatan Ibrahimovic, Javier Pastore, Thiago Silva, Ezequiel Lavezzi dhe shumë të tjerë.

Dhe Ancelotti thotë se ai nuk do t’i thoshte “jo” as transferimit të Cristiano Ronaldo, dhe nuk do ta kishte problem të menaxhojë aq shumë fytyra të famshme në ekip.

“Nuk e di nëse është një transferim të cilin klubi do të mund ta realizonte. Ronaldo është simbol i Real Madridit. Por a mund të thotë ndonjë trajner se nuk e dëshiron Cristiano Ronaldon?”.

“Mendoj se ai mund të luajë me Ibrahimovic pa problem. Ata kanë kualitet të luajnë së bashku. Nuk mendoj se kjo do të shkaktonte probleme të egos. Te Milani, kam pasur shumë lojtarë me personalitete të mëdha, dhe ne ndërtuam një ekip të madh”, ka thënë Ancelotti për L'Equipe.