Arsenali fiton në West Ham

Topçinjtë e filluan takimin më vrullshëm duke pasur disa raste shënimi, por ishin vendasit ata të shënuan të parët përmes Diame (21’).

Pasi huqi dy raste më herët, Olivier Giroud ishte i saktë në tentimin e tretë, duke barazuar ndeshjen katër minuta para pauzës mes pjesëve.

Në pjesën e dytë Topçinjtë krijuan një varg shansesh dhe ishin më të saktë, duke gjetur rrjetën dy herë. Së pari ishte zëvendësuesi Theo Walcott që kaloi Arsenalin në avantazh për herë të parë (77’), ndërsa rezultatin e vulosi Santi Cazorla pas pesë minutash tjera.