City tregohet kampion

Pjesa e parë i takoi mysfirëve, të cilët kontrolluan lojën duke kaluar madje edhe në epërsi. Tottenhami realizoi me anë të Caulker nga brendësia e zonës.

Sidoqoftë, në pjesën e dytë u shfaq në skenë Roberto Mancini, i cili largoi një Nastasic për të futur në lojë Maiconin, i cili dhe bëri ndryshimin e vërtet.

Sergio Aguero e barazoi rezultatin (65’), ndërsa pas këtij goli në lojë hyri edhe Edin Dzeko, zëvëndësuesi i artë që kurrë nuk po starton.

Dy minuta pa përfunduar takimi ishte Silva ai që asistoi për Dzekon, i cili realizoi për 2-1 dhe fitoren e madhe të Cityt në këtë takim.

Me këtë fitore Manchester City arrin në kuotën e 25 pikëve në vendin e dytë, por pret epilogun e takimit Chelsea – Liverpool, pasi kampionët kanë dy pikë më shumë se sa Blutë.