Lumë milionash për Juven, Milanin dhe Interin
Klubet e Serisë A kanë arritur marrëveshjen për shpërndarjen e të drejtave televizive gjatë tre viteve të ardhshme 2012-2015. Gjatë asamblesë së djeshme presidentët e Serisë A gjetën gjuhën e përbashkët, e cila do të ratifikohet javës që vjen. Presidenti i Ligës së Serisë A, Mauricio Beretta, ka bërë të ditur se tre klubeve që do të bien nga Seria A do t’u shpërndahet një fond prej 30 milionë eurosh. Sipas së përditshmes “Il Sole 24 ore”, gjatë sezonit 2012-2013 klubet e Serisë A do mund të përfitojnë në total nga të drejtat televizive 966 milionë euro, shifër që do të ndahet duke llogaritur numrin e tifozëve, rezultatet, pozicionimin në tabelën e klasifikimit, rezultatet historike dhe ato të një sezoni më parë.
Nga një përllogaritje e përafërt e këtyre kritereve, gjithmonë sipas së përditshmes “Il Sole 24 ore”, sezonin e ardhshëm Juventusi do të përfitojë 100 milionë euro nga të drejtat televizive, rreth 10 milionë më pak milanezet, ndërsa Napoli dhe Roma qëndrojnë në vendnumëro në kuotën e 65 milionë eurove.
Rreth 50 milionë euro do të përfitojë Lacio, Fiorentina (45), Udineze dhe Palermo (40), ndërsa pas Sampdorias në kuotën e 37 milionë eurove vjen një bllok skuadrash si Xhenoa, Bolonja, Kaljari, Atalanta dhe Katania me 35. Nga vendet e fundit e kësaj shpërndarjeje vjen Torino 34, Parma 32 dhe Kievo 29, Siena 27, ndërkohë që këtë klasifikim të të drejtave televizive e mbyll Peskara, e cila nga të drejtat televizive do të përfitojë shumën e 24 milionë eurove.
Përfitimet në milionë €
1. Juventus 100
2. Milan 95
3. Inter 93
4. Napoli 65
5. Roma 65
6. Lacio 49
7. Fiorentina 45
8. Udineze 40
9. Palermo 39
10. Sampdoria 37
1. Juventus 100
2. Milan 95
3. Inter 93
4. Napoli 65
5. Roma 65
6. Lacio 49
7. Fiorentina 45
8. Udineze 40
9. Palermo 39
10. Sampdoria 37
Category: Futboll