Shqiptarët shënojnë në fitoret e përfaqësueseve të tyre

Unknown | Wednesday, November 14, 2012 |

Zvicra ka shënuar fitore prej 2-1 përballë Tunizisë në një ndeshje miqësore që u zhvillua të mërkurën.
Derdiyok shënoi për zviceranët në pjesën e parë (40’), ndërsa Harbaoui e barazoi rezultatin (59’).

Golin e fitores e shënoi mesfushori shqiptar i Bayern Munichut,Xherdan Shaqiri.

Në një ndeshje tjetër, Maqedonia e ka mposhtur Slloveninë me rezultat 3-2.

Tasevski (27’) e Jahovic (41’) krijuan epërsi të dyfishtë në pjesën e parë.

Pecnik e ngushtoi rezultatin në gjysmën e dytë (49’), ndërsa Agim Ibraimi shënoi golin që rezultoi i fitores (51’), pasi Pecnik shënoi edhe një herë (63’).

Edhe Finlanda ka regjistruar fitore. Kjo kombëtare e ka mposhtur Qipron me rezultat 3-0.

Pukki e zhbllokoi takimin (14’), Përparim Hetemaj e dyfishoi epërsinë nga penaltia (28’), ndërsa Kolehmainen e vendosi rezultatin përfundimtar (86’). /Telegrafi/

Category:

Ju pelqen artikulli shperndaje me shoke!