Obinna nuk largohet nga Inter

Agjenti i sulmuesit nigerian Victor Obinnas ka deklaruar se klienti i tij nuk e ka në plan të largohet nga skuadra e Interit gjatë periudhës kalimtare dimërore.

Gjatë janarit është spekuluar se nigeriani do të largohet nga zikaltrit në këtë afat kalimtar, mirëpo siç duket 21-vjeçari ka vendosur të qëndrojë në Giusepe Meazza.

“Klienti im nuk ka menduar kurrë për largimin nga Inter. Ai dëshiron që te kjo skuadër t’i ofrohet mundësia për ta dëshmuar veten”.

“Gjatë pjesës së mbetur të sezonit ai do të luftojë për t’i bindur zikaltrit se ia vlen të luajë për ta edhe në të ardhmen”, ka thënë për TMW agjenti i Obinnas, Patrick Bastianelli.

Dy skuadrat më të interesuara për të fituar shërbimet e Obinnas janë Torino dhe Betis.

Category: Futboll