NBA: Cavaliers më të mirë se Heat

Ekipi i Cleveland Cavaliers ka shënuar fitore prej 99-89 ndaj Miami Heat, që ishte e 28-ta si vendas nga 29 ndeshjet këtë sezon.
Mo Williams kryesoi tek lideri i Konferencës Lindore me 29 pikë, 12 nga të cilat i shënoi në çerekun e katërt. Delonte Weste shënoi 19 pikë, ndërsa LeBron James shënoi triple-double (hera e 21-të në karrierë), pasi përfundoi ndeshje me 14 pikë, 12 asistime dhe 10 kërcime. Lideri i shënimeve në NBA, Dwyane Wade, i bëri ballë startit të dobët për ta përmbyllur ndeshjen me 25 pikë, 12 asistime dhe tetë kërcime.

Category: Basketboll