Ferrara dëshiron ta ruajë pozitën e trajnerit të Juves

Trajneri i përkohshëm i Juventusit, Ciro Ferrara, thotë se ai dëshiron një detyrë të përhershme në stolin e biankonerëve.
“Janë emocione të mëdha dhe të fuqishme, të ndryshme nga ato që kam pasur viteve të fundit. Është një aventurë ngazëlluese dhe jam i lumtur që jam këtu. E pranoj pa hezitim se ky është një rast i madh për mua, dhe tash përgjigja ime më e mirë do të jetë në rezultate”, ka thënë Ferrara.“Kurrë nuk kam menduar se do të jem në këtë stol me dy ndeshje të mbetura në fund të sezonit. Do ta shfrytëzoj rastin tim. Tash jam trajner dhe kjo është ajo që dua të bëj tash e tutje”.“Menaxheri gjeneral nuk më ka garantuar sezonin e ardhshëm, por më ka dhënë shpresa. Fitoret në këto ndeshje mund të jenë shumë të rëndësishme për mua dhe një bonos në aspektin e të ardhmes”, ka shtuar italiani.

Category: Futboll