Liga e Kampioneve: Barcelona kampion i ri
Barcelona është kampioni i ri i Evropës, pasi në finalen e Ligës së Kampionëve në Romë mposhti me rezultat 2-0 tashmë ish-kampionin, Manchester United.
Nga një gol në secilën pjesë, i kanë dhënë përfundimin më të mirë sezonit të parë të trajnerit Pep Guardiola në stolin e Barcelonës, i cili fiton të tre trofetë (Kupën e Mbretit, kampionatin e Spanjës dhe Ligën e Kampionëve).
Pjesa e parë
Djajtë e kuq filluan ndeshjen me më shumë vrull duke krijuar disa raste të mira shënimi, por rrjeta e Barcelonës mbeti e paprekur.
Djajtë e kuq filluan ndeshjen me më shumë vrull duke krijuar disa raste të mira shënimi, por rrjeta e Barcelonës mbeti e paprekur.
Pas tre minutash lojë Cristiano Ronaldo kërcënoi portën e Victor Valdes me anë të një gjuajtje të lirë, dhe spanjolli ishte i pasigurt në reagimin e tij, por topi u pastrua nga ish-mbrojtësi i United, Gerard Pique. Ronaldo pati edhe një rast tjerët në minutën e tetë të lojës, kur asistimi i Patrice Evra gjeti portugezin në zonën e penaltisë, goditja e të cilit përfundoi jashtë kornizës së golit.
Pjesa e dytë
Blaugranët filluan pjesën e dytë ashtu si e mbyllën të parën, duke kërkuar vazhdimisht të shtojnë epërsinë dhe rezultati nuk mungoi. Së pari Thierry Henry humbi një rast të artë, kur pas një pasimi të Iniesta, arriti të shmangë në të majtë mbrojtjen kundërshtare, por goditja e tij e lehtë u mbrojt nga Van der Sar. Rasti tjetër i shkëlqyeshëm i takoi lojtarit më të mirë të ndeshjes, Xavi Hernandez, goditja e të cilit nga gjuajtja e lirë u ndalua nga shtylla e majtë. Dhe, përpjekjet e katalansve u shpërblyen pas 70 minutash lojë, kur një harkim i Xavit gjeti në mënyrë të përkryer kokën e Messi të harruar në të majtë, i cili dërgoi topin në rrjetën prapa shpinës së portierit holandez.
Blaugranët filluan pjesën e dytë ashtu si e mbyllën të parën, duke kërkuar vazhdimisht të shtojnë epërsinë dhe rezultati nuk mungoi. Së pari Thierry Henry humbi një rast të artë, kur pas një pasimi të Iniesta, arriti të shmangë në të majtë mbrojtjen kundërshtare, por goditja e tij e lehtë u mbrojt nga Van der Sar. Rasti tjetër i shkëlqyeshëm i takoi lojtarit më të mirë të ndeshjes, Xavi Hernandez, goditja e të cilit nga gjuajtja e lirë u ndalua nga shtylla e majtë. Dhe, përpjekjet e katalansve u shpërblyen pas 70 minutash lojë, kur një harkim i Xavit gjeti në mënyrë të përkryer kokën e Messi të harruar në të majtë, i cili dërgoi topin në rrjetën prapa shpinës së portierit holandez.
Edhe pse në avantazh të dy golave, Barcelona vazhdoi të bëjë lojën e saj sulmuese, me edhe disa raste të humbura prej katalanasve, përfshirë edhe një goditje qendrore me kokë nga kapiteni Carles Puyol, që u mbrojt nga Van der Sar. Manchesteri në anën tjetër pati raste më të rralla, që nuk arritën të konkretizohen nga sulmi anglez, pavarësisht se Ferguson reagoi dy herë duke futur në lojë së pari Carlos Tevez dhe pastaj edhe Dimitar Berbatov.
Për Barcelonën ky është titulli i tretë në këtë garë evropiane dhe i dyti që kur kjo mban emrin Liga e Kampionëve. Hera e fundit kur Barcelona fitoi garën evropiane ishte viti 2006, kur nën drejtimin e Frank Rijkaard, në finale mposhti Arsenalin. Manchester United ndërkohë humbi rasti për të hyrë në histori, duke fituar dy herë radhazi Ligën e Kampionëve. United vazhdon të ketë tre tituj të kampionit të Evropës.
Category: Futboll
0 Komente