Mourinho: Ferguson mund të bëhet menaxheri më i madh i futbollit

Strategu i Interit, Jose Mourinho, ka thënë se nëse Manchester United triumfon në finalen e Ligës së Kampionëve, menaxheri Sir Alex Ferguson do të bëhet ‘menaxheri më i madh i klubeve’.
Djajtë e kuq të mërkurën do të ndeshen me Barcelonën dhe do të përpiqen të bëhen ekipi i parë i cili e mbron titullin e Ligë së Kampionëve, që kur kjo garë mban këtë emër.“Ai është një super-menaxher dhe fitorja ose humbja në këtë moment të karrierës së tij, nuk do ta bëjë atë një menaxher më të mirë ose më të keq, Ai tashmë ka një karrierë të shkëlqyeshme”, ka thënë Mourinho.“Por sigurisht, nëse fiton të mërkurën, kjo do ta bëjë atë menaxherin më të mirë që ka drejtuar ndonjë klub ndonjëherë”, shton portugezi.

Category: Futboll